Inuussutissalerineq suli akissaqartinneqanngilaq
Inuussutissalerinermik oqartussaaffik Namminersorlutik Oqartussanit oqartussaaffigineqalerpat ukiumut koruunit 20-t 25-llu millionit akornanni akeqassaaq, Inuussutissarsiornermut Naalakkersuisoq Ove Karl Berthelsen inatsisartunut ilaasortap Aleqa Hammond-ip paragraf 36 atorlugu naalakkersuisunut apeqquteqaataanut akissuteqaammi oqarpoq.
Inussutissalerinermut Nakkutilliisoqarfiup Namminersorlutik Oqartussanit tiguneqarnissaanut aningaasat 20 aamma 25 millioni koruunit nasaaariniarnissaat ajornakuusoorpoq aamma piffissami qanittumi ajornakusuussasoq Ove Karl Berthelsen akissuteqaammini nassuiaavoq.
Inussutissalerinermut Nakkutilliisoqarfiup ilaa EU-mi inatsisinut maanna ilaatinneqarnera Naalakkersuisup akissuteqarnermi erseqqissarpaa tamannalu nunatsinnut nuunnissaanut ajornakusoortitsisussaasoq oqarluni.
Inuussutissalerinermut oqartussaaffiup nuunneqarnerata aqunneqarnissaa allaffissornikkut annertoorujussuarmik piumsaqaatitaqassammat, taamaalilluni allaffissornikkut aningaasartuutit amerlerujussuarneqarnissaannik kinguneqartussaalluni.
Inussutissalerinermut oqartussaaffiup suliassaasa pingaarnerit ilagaat, uumasut nakorsaasa suliaat aammalu uumassusilinneersunik avammut tunisassiornerit taakkuala nakkutigineqarnerat.