Nunanit allanit

Inuttat marluk Reykjavikkimi politiinit tigummigallarneqartussanngortut

Kilisaammi Polar Nanumi inuttaasut marluk sapaatit-akunnerini marlunni politiinit tigummigallarneqartussanngorput. Reykjavikkimi Politiit KNR-imut tamanna uppernarsarpaat.
Arkiv Assi © : Google Maps
Allattoq Helle Nørrelund Sørensen
januaarip 19-at 2017 10:40
Nutserisoq Simon Uldum -

NUTARTERNEQARPOQ 11.06: Eqqartuussineq Islandimi nalunaaqutaq malillugu ulloqeqqalersoq taama inerneqarpoq. Inuttat tigusarineqartut pingajuat politiinit suli killisiorneqarpoq.

Inuttat pingasut islandimiup arnap 20-nik ukiullip sapaatiummat unnukkut periarfeerunneqartup ujaarineqarneranut atatillugu politiinit ippassaq ullukkut unnukkullu tigusarineqarput.

Reykjavikkip Politiivini paasissutissiisartoq naapertorlugu tigummigallagassanngortinneqartunut marluusut unnerluussutaasut politiit paasiniaanerat pissutigalugu isertuunneqarput.

Kilisaat Polar Nanoq Polar Seafoodimit pigineqarpoq.

Tigusarineqartut sumiuunersut politiit oqaatigiumanngilaat, Islandimili tusagassiorfiit arlallit allapput tigusarineqartut ikinnerpaamik marluk kalaaliusut.

 

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq