Pingasunngorpat atortut tamarmik timersortarfissuarmut, Inussivimmut, qummukaanneqassapput.Ass.: Christine Hyldal/ KNRAssi: Christine Hyldal/ KNR

Inussivik Nuummi misissortittarfiulissaaq

Kalaaliaratoqaq Brugsenip eqqaaniittoq matungajalerpoq. Torlukkut misissortissaguit pingasunngorpamiit timersortarfissuarmut, Inussivimmukassaatit.

Aqagu marlunngorneq tassaassaaq ulloq illoqarfiup qeqqani misissortinnissamut periarfissaq kingulleq.

Pingasunngorpammi atortut tamarmik timersortarfissuarmut Inussivimmukaanneqassapput.

Nakorsaaneqarfik tusagassiuutinut nalunaarummini taamatut allappoq.

Misissuisarfiup nuunneratigut oqartussat neriuutigaat ivikinnerusumik utaqqisoqartalerlunilu pitsaanerusumik sullinneqartalernissaq. Tassa missuisarfik nutaaq ammarpat, issittumi siuleriaat ikinnerulissapput. Tassami tamanna siunertaavoq. 

AAMMA ATUARUK Nuummi coronamik misissuisarfimmik nutaamik Inussivimmi ammaasoqassaaq 

- Illoqarfiit pingaarnersaanni tunillatsittoqartaleraangat Nuummi misissortittarfiit silataanni utaqqisorpassuaqartalertarnikuuvoq. Taamarut pisoqaqqittarnissaa pinngitsoorniarlugu taamaammat misissuisarfik Inussivimmut nuunneqalerpoq, tassanimi utaqqisoqalissangaluarpalluunniit silarlullunilu, utaqqisut tassani oqquisimaarsinnaassapput.     

Kalaaliaratoqaq misissortittarfittut ukioq ataaserpiq atorneqarnikuuvoq. Tassami siorna marlunngornermi oktobarip 13-anni taanna ammarpoq. Tassalu corona-mut misissortissaguit maannakkumiit Inussivimmukartariaqarputit. 

Inussivimmi misissuisarfiup ammasarfii: Ataasinngornermiit arfininngornermut nal. 08.30 - 11.30

 

Nunatsinni coronavirusi pillugu
killiffik

Tunillatseqqasut 300  
Ullumi tunillatsittut 124  
Siullermik kapitissimasut 71%  
Aappassaa kapitissimasut 66%  
Tunillanneqarsimasut 1456  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Novembarip 29-at 13:15
 

Coronavirusimik tunillatsinissaq pinaveersaaruk