Inuk Norgemi Preikestolenimit nakkarluni ajunaartoq
Norgemi Preikestolenimiit meterit 200-t missaannut nakkarluni ajunaarsimasup nassaarineqareersup timaata aanissaa politiit sulissutigileruttorpaat.
Inuk qaqqami 600 meteritut portutigisumi salliarnartami quaassimasoq Norgemi ippassaq ullaap tungaani nalunaaqutaq aqqanermut qiteqqunnerata missaani kalerriutigineqarpoq.
Allattoq Ritzau
juunip 04-at 2024 09:20
Nutserisoq Mads Lynge
Takornarniat Norgemi ornigarluartagaanni Preikestolenimi inuk toqungasoq ippassaq nassaarineqarpoq. Inuk taanna Preikestolenimit nakkarluni ajunaarpoq. Inuup toqungasup timaata aaneqarnerani Preikestolen matoqqatinneqarpoq.
Norgemi politiit inoqatinut attaveqaqatigiittarfikkut X-ikkut taama allapput.
Inuk qaqqami 600 meteritut portutigisumi salliarnartami quaassimasoq Norgemi ippassaq ullaap tungaani nalunaaqutaq aqqanermut qiteqqunnerata missaani kalerriutigineqarpoq.
Politiit qulimiguullillu annaassiniaqataapput.
Inullu ujaarineqartoq ajunaarsimasoq nassaarineqartoq akunneq ataasiunngitsorluunniit nalunaarutigineqarpoq.
