Inuit sisamat nannumik naapitsinermi kingorna annaanneqartut
Nannup inuit sisamat sakkussaqanngitsut tungaanukarnerata kingunerisaanik Issittumi Sakkutooqarfik Kalaallit Nunaannilu Politiit Kangerlussuup kitaani annaassiniarnermik aallartitsipput.
Inuit sisamat nannumit tungiminnukartumik takunnissimapput. Taakku qimaariarfissaqaratillu sakkussaqarsimanngillat. Toqqorsivimmit assi
Allattoq Hanna Vestergaard Hviid
juunip 18-at 2024 15:18
Issittumi Sakkutooqarfik Garmin InReachimit ajunaalernermi kalerrisaarummik sapaatip akunnerata siuliani tigusaqarpoq, nalunaarummi allassimavoq: Polar bear.
Taakku Facebookiminni allapput.
Issittumi Sakkutooqarfik Kalaallit Nunaanni Politiit peqatigalugit ujaasinermik annaassiniarnermillu aallartitsipput. Air Greenlandip annaassiniarnermi qulimiguuliutaa Issittumi Sakkutooqarfimmit atorneqarpoq.
Ajunaalernermik kalerrisaarut Kangerlussuup kitaanit 35 kilometerinit ungasissuseqartumit nassiunneqarpoq. Inuit sisamat nannumit tungiminnukartumik takunnissimapput. Inuillu qilaariarfissaqaratillu sakkussaqarsimanngillat.
Inuit sisamat annaassiniarnermi qulimiguulimmut ikineqarlutik isumannaatsumukaanneqarput. Ajoqusertoqanngilaq.
