Inuit pisinnaatitaaffii Canadami oqaluuserineqartussanngorput

Naalagaaffiit Peqatigiit nunap inooqqaasivsa pisinnaatitaaffii pillugit nalunaarutaata inatsisitigut atuutinneqalernissaanik Canadami inatsisartunut ilaasortap, Romeo Saganaship siunnersuutigaa.

Naalagaaffiit Peqatigiit 2007-imi ataatsimeersuarneranni nunap inoqqaavisa pisinnaatitaaffii pillugit nalunaarut akuerineqarpoq, nunanili arlaqartuni suli atulersinneqarnani.

Saganashillu siunnersuutaa Canadami nunap inoqqaavisa siuttorpassuinit tapersersorneqarpoq.

Inatsisissatut siunnersuut nunasiaataasimanerup qimanneqarnissaanik periarfissiisoq, siunissamullu naapertuilluarneq, naligiinneq, inuit pisinnaatitaaffiinik ataqqinninneq uppernassuserlu tunngavigalugit ingerlatsinissamik neriulersitsisoq, illoqarfeeqqami Eeyou Istheemi høvdingip Matthew Coon Comep oqaatigaa.

Siunnersuutilli allat assigalugit, Romeo Saganaship siunnersuutaata Canadap inatisartuinit taasissutigineqarnissaa utaqqinangaatsiarsinnaassaaq.