Inuit marluk qimmimit Nuummi kiineqartut

Inuit marluk qimmimit arfininngornermi unnukkut nalunaaqutaq 20.57 kiineqarput.

Kalaallit Nunaanni Politiit pigaartuisa pisortaat, Anette Ostenfeldt paasissutissiivoq.

- Inuit marluk kiitinnitik pissutigalugit Dronning Ingridip Napparsimmavissuaniissimasut ilisimavara, taanna oqarpoq.

Paasissutissaatikitsoq

Tamannali eqqaassanngikkaanni suliamut tunngatillugu piffissami matumani paasissutissaatikippoq. Taamaammat pigaartut pisortaata qimmeq suneqassanersoq imaluunniit inuit marluk qanoq innersut ilisimanngilaa.

- Paasissutissat maannakkut annikipput, kisianni suliani pisumik ajoqusiinermilluunniit erngertumik unitsitsisariaqarnerluta misissuilluartariaqartarpugut. Uani taamaaliorpugut, taanna oqarpoq.

Suliamilu paasissutissat annikitsortaat tamarmik misissuilluaqqissaarnermi misissorneqassapput.

Naallu politiit piffissami matumani annerusumik oqaaseqarsinnaanngikkaluartut suliaq malitseqartinneqarumaartoq, Anette Ostenfeldtip erseqqissaatigaa.

- Suliap ingerlateqqinnissaa aalajangersimavoq, taanna oqarpoq.