Inuit ileqqutoqaata tammatsaaliornissaannik pingaartitsisut
Danmarkimi kultureqarnermut ministerip Mette Bockip qilaatersortarnerup UNESCO-p eriagisassanut tigussaanngittunut allattorsimaffiani allassimalersissaa innersuussutigaa.
Tamannalu qilaatersortartup Leif Saandvig Immanuelsenip isumaqatigaa.
- UNESCO-p taamatut akulerunnermigut qulakkeertittutullusooq ippaa siunissami uagut aamma qilaatersortarnitta attatiinnarniarneqarnissaanut, suliniarnissatsinnullu aamma ikorfartormatigut, Leif Saandvig Immanuelsen taama oqarpoq.
AAMMA ATUARUK Qilaatersorneq UNESCO-mut 2021-mi innersuunneqarpoq
Taanna nammineerluni qilaatip kinguaariinni attanneqaannarnissaanik pingaartitsisuuvoq.
- Qilaatitaariarlunga iikkamut nivinngarlugu pigerusaarneraninngaanniit atorneratigut qulakkeersinnaaneruara uanga ullumikkut alloriaateqarnissannut, Leif Saandvig Immanuelsen oqarpoq.
Qilaatersortarnerup UNESCO-mi eriagisassanut allassimasuutigineqalernissaa qilaatersortartumut inuusuttumut Kristina Boassenimut pingaaruteqarpoq.
AAMMA ATUARUK En enestående tradition i Arktis
- Torrassaqaaq immaqa aamma taamaattoqalerpat amerlanerulersinnaavugut qilaatersortartut, neriunnarpoq nalunnginnakku ullutsinni qilaatersortartut amerlanngitsut eqqarsarnarsinnaalluni immaqa ukiuni qanittuni tammassooq, Kristina Boassen taama oqarpoq.
Namminersorlutik Oqartussat siunnersuutaat “Qilaatersorneq - grønlandsk trommedans og -sang” UNESCO-p allattuiffiani 2021-mi ilanngunneqarnissaanut naalagaaffeqatigiit suliniuteqassasut siunnersuutigaat.
Uani takusinnaavat Kristina Boassen qilaatersortoq.