Inuit Ataqatigiit naalakkersuisoq isumasioqqikkusukkaat
Inuit Ataqatigiit sinnerlugit Inatsisartuni ilaasortaq Juliane Henningsen, Inatsisartut Ilaqutariinnermut Peqqissutsimullu Ataatsimiititaliaanni ilaasortaq tusagassiorfinnut taama allaaserisaqarpoq.
- Meeqqat pillugit sulianik nakkutilliinermi ilisimatitsissutigineqaqqammersumi, ilaatigut sulianik ukiut arfineq-marluk uninngatitsisarsimanerit akuersaarneqarsinnaanngillat qanoq iliuuseqarfigineqartariaqarlutillu. Pissutsit nakkutilliinermi ilisimalikkavut amiilaarnarput, tamatumanilu partiit akornanni qanoq iliuusissanik nassaaqatigiittariaqarpugut, Juliane Henningsen oqarpoq.
Kommunini tamani inunnik isumaginninnermut ataatsimiititaliat oqaloqatigineqarnissaat Inuit Ataqatigiit kissaatigaat:
- Pisoq ilungersunaqaaq, taamaattumillu kommunini inunnik isumaginninnermut ataatsimiititaliat tamaasa oqaloqatiginiarpavut aaqqiinissaq siunertaralugu, Juliane Henningsen oqarpoq.
