Inuit arnartaat Inuinnaqtun atorlugit erinarsuutinik saqqummersitsisut
Inuktitut oqaatsit Canadami aalaakkaasuugaluarput, tammariartulernissaannullu aarlerinaateqarani. Canadalli kippasissortaani sumiorpaluutit assigiinngitsut, sumiorpaluut Inuinnaqtun taakkununnga ilaalluni, tammariartorsinnaanissaat aarlerigineqarpoq.
Naggueqatigiit Inuit akornanni taamaallaat 675-it Inuinnaqtun atoraat, CBC Newsip oqaatsit atorneqartut pillugit misissuinerani takuneqarsinnaavoq.
Elik Tologanak-p, CBC Newsimut oqaatigaa Eqaluttuutsiami arnat utoqqasaat allat peqatigalugit Inuinnaqtun atorlugit tivanermi erinarsuusiat katersulersimallugit. Tamaani inuit inuunerat oqaluttuarisaanerallu oqaluttuarineqarluni.
Erinarsuusiat taaguuserneqarsimapput: Huqqulaarutit Unipkaangit, tuluttut Stories Told Through Drum-dance Songs. Erinarsuutit 30-t atuakkami katersorneqarput.
Erinarsuusiat akornanni 500-t Kitikmeot Inuit Associationimit saqqummersinneqarsimapput.