Inuit 50-it Soleimanip ilisaanerani tullagaallutik ajunaartut
Iranimiut tusintilikkaat pissaanilik Soleimani amerikamiut dronemik qaartartumeeralutik tallimanngormat saassussineranni toqutaasoq eqqaaniarlugu Kermanimi marlunngornermi katersuupput.
Soleimani marlunngornermi ilisaasussaasimagaluarpoq. Ilisaanissaali Kermanimi uivernersuaqarnera pissutigalugu kinguartinneqarpoq.
Inuit millionit sinnerlugit Soleimanip Iranimi illoqarfiit pingaarnersaanni Teheranimi ataasinngormat ilisaanerani najuussimasut, nutaarsiassaqartitsiviup AP-ip allaaseraa.
AAMMA ATUARUK Soleimanip kingoraartaata USA-mut akiniaanissartik neriorsuutigigaa
Iran Soleimanip toqutaaneranut atatillugu USA-mut akiniaarujussuarnissaminut sioorasaareqqippoq.
USA-mut akiniaanissaminnut iliuuserisassatik 13-iussasut isumaliutigigitsik, Iranimi sillimaniarnermut siunnersoqatigiinni siuttup, Ali Shamkhanip, oqaatigaa.
Akiniaanissaminnut iliuusissaanni 13-iusuni qajassuarnerpaat allaat USA-p aatsaat taama amiilaarnartigisumik misigisaqarneranik kinguneqarumaartoq, siuttup pissaaniliusup Ali Shamkhanip oqaatigaa.