Inuit 16-it lastbiilimi ikaartaammi Stena Linemiittumi siumorneqartut

Inuit 16-it ikaartaammi Frankrigimiit Irlandimukartumi lastbiilini siumorneqarput. Inuillu siumorneqartut tamarmik ajunngillat.

Ikaartaatileqatigiiffik Stena Line sisamanngormat nalunaarummini taama ilisimatitsivoq.

Inuit 16-it ileqquusumik misissuisoqartillugu lastbiilimi assersorneqarsimasumi ikaartaammilu biilit inissittarfianniittumi siumorneqarsimasut, Stena Linemi sulisup oqaluttuaraa.

Stena Line: Isertorlutik ilaasut ajunngillat

Ikaartaat, "Stena Horizon", illoqarfimmit umiarsualiveqarfissuusumit Cherbourgimit, Frankrigip avannaani inissisimasumit, Irlandimi illoqarfeeqqamut Rosslaremukarluni pingasunngormat unnukkut qulingiluanut avalappoq.

- Inuit siumorneqartut tamarmik ajunngillat, isumagilluarneqarniassammatalu ilaasut inaannut immikkut inissinneqarput, Stena Line nalunaarummini taama allappoq.

AAMMA ATUARUK Inuit 39-t lastbiilimi toqungasut Vietnamimiuupput: Vietnamiliaanneqartussanngorput

Tamatuma kingorna angutit allat qulit containerimi lastbiilimit usigineqartumi Londonimi nassaarineqarput . Angutit taakku tamarmik lastbiilimilu aquttoq tigusarineqarput.

Vietnamimiit qimaasut 39-t lastbiilimi toqungasut Esseximi Tuluit Nunaanniittumi oktobarimi nassaarineqarput. Lastbiili taanna Belgiamiit Tuluit Nunaannut ikaartaatikkut tikissimavoq.