Inughuit marluk Frankrigimut qimusseriarput
Siornatigut silaannaap kissatikkiartornera pillugu suleqatigereersimasamminiik National Geograficsimit qaaqqusaasimapput.
- Parisimi Franskit qimmiinuk qimmilerluta filmiliaritissaagunngooq, qimmussertugut filmiliaraluta malittarissavaatigut. Taama pilersaaruteqarpugut, Jens Danielsen oqarpoq.
Aamma atuaruk Meeqqat qimusserlutik sukkaniupput
Kisiannili qimuttutik Parisimut nassanngilaat.
- Qimussertartoqarunarami qimminik atugassaqarpugunngooq, taamatut oqarfigigamitigut. Soorunami uagut tappavunga pigutta sungiusaqqaartariaqassavagut.
Parisip silaa ullumikkut 16 gradenik kiappoq. Taamaammallu aamma qimussernissamut aputeqangaaraani.
-Qamutit assakaasoqassamaarpalupput iluatsigut takussaangitsunik, Jens Danielsen oqarpoq.
Aamma atuaruk Nunani avannarlerni illoqarfiit pingaarnersaat COP21-mut ataatsimoorlutik nalunaaruteqarniartut
Silaannaap kissatikkiartornera oqaluttuarisussanngorunikku, pinianermi atisarisartakkatik atussavaat.
- Atisagut nassarpagut, terianniap amia qaatigooq kapatammik taasartagaat. Kiisalu nannup amiinik qarliit, puisip amiinik aaqqatit kamiillu. Kiisalu ukiukkut piniutit unaaq aammaalu tooq, Jens Danielsen oqarpoq.
COP 21 novemberip 30-ani aallartissaaq. Piniartullu decemberip 7-ani nunatsinnut utissapput.