Internettimi tamataqanngitsunik takutitsisarneq Meeqqat Illersuisuisata sammitileraa

Tamataqarnak internettimi imminut takutinnikuuit? Meeqqat pisinnaatitaaffiinik sullissivik MIO taama apeqquteqarpoq, eqqaasitsissutigalugulu inuit 18-it inorlugit ukiullit assingi filmiliarineriluunniit kinguaassiuutitigut tunngasut siammarternissaat inatsisitigut inerteqqutaasoq.
Assi © : Thomas Malbaux/Flickr Creative Commons
Allattoq Charlotte Holten-Møller
apriilip 05-at 2016 07:10
Nutserisoq Mads Lynge

- Ernumagivara inersimasut - angajoqqaat allalluunniit - ajortumik isumaqarani assinik siammarterigaani meeqqamik atisaqanngitsumik, soorlu uffarnerup nalaani imaluunniit innarfissap nalaani assilisat. Imaanngittoq killissamik qaangiinertut isigigiga, kisiat inoqarpoq assinik taamak ittunik atornerluisinnaasunik, Meeqqat Illersuisuat Aviâja Egede Lynge tusagassiuutinut nalunaarummi ilaatigut taama allaaserisaqarpoq.

Taassuma aamma eqqaasitsissutigaa meerarpassuit inuusuttorpassuillu imminneq assiminnik siammarterneqarnissaannik assigiinngitsunik peqquteqarlutik akuersinikuunngitsut:

- Assit filmillu internetimi kaaviiaaleraangata unitsikkuminaassinnaasarput utertikkuminaassinnaallutilluunniit, Aviâja Egede Lynge oqarpoq, meeqqanillu inuusuttunillu assinik siammarterisoqannginnermi tamanna eqqarsaatigilluarneqaarneqarnissaa kajumissaarutigalugu, assinillu siammarterinnginnermi meeqqat inuusuttullu tamanna pillugu oqaloqatigineqartarnissaat siunnersuutigalugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq