Namminersorlutik Oqartussat, kommunit nunatsinnilu suliffeqarfiit allat peqatigalugit isumasioqatigiinnermi TELE-p tamanna samminialerpaa - isumasioqatigiinnissaq taaguuteqarpoq Sarfarissoq II, isumasioqatigiinnissaq Nuummi apriilip ulluisa 27-anniit 29-ata tungaanut pissaaq.
Imaatigut kabelip sakkortusaaviillu uatsinnut periarfissiineri pineqarput. Pingaartumik atuartitsineq, ilinniarneq aamma piginnaasanik qaffassaaneq pineqassapput. Sarfarissoq II-p qulequtaraa "e-ducation" - tassa internetikkut atuartitaaneq.
Isumasioqatigiinnermi oqalugiartussat pissanganartut suliffeqarfiillu attaveqaateqarnerup internetillu qanoq atorneqarsinnaaneri saqqummiutissavaat.
- Nunatsinni suliffeqarfiit atorfeqarfiillu imaatigut kabelimik atuilluarnissamik paasinnilluarsimasut isumasioqatigiinnermi oqaluttuarineqassapput. Kisianni aamma periarfissat suli atorluanngisavut sammissavavut, Tele Greenland A/S-imi pisortaaneq, Brian Buus Pedersen, oqarpoq.
Sarfarissoq II tassaavoq isumasioqatigiinnersuup siulliup, Sarfarissoq I-ip, Nuummi 2008-mi aggustimi ingerlanneqartup, nanginnera.