Kommunimut qinersineq Qanilaarneq oqartussaaqataanerlu IA-p sulissutiginiarai
Kommunimummi ukioq manna qinersinissamut IA sinnerlugu inuit 80 sassarput, taakkulu kommunini innuttaasut qanilaarnerulersinneqarnissaat sullilluarneqarnerulernissaallu partiip suliniutiginaraa partiip siulittaasuata oqaatigaa.
- Qinigaaffimmi aggersumi innuttaaqatitta kommunimiit siornatigutut sullinneqartarnerat qanilaarfigineqartarneratalu utertinneqarnissaa ilungersuutiginiarparput. Taamaasiornitsigummi innuttaasut oqartussaataanerulerlutik, soorlu kommunit illoqarfiini siunnersuisoqatigiit aqqutigalugit, saniatigullu nunaqarfiit namminneerlutik sumiiffigisaminni pissutsit aallaavigalugit suliniutiginiagaannut naammattunik akissaqartinneqartalernissaat qularnaarneqassalluni, Sara Olsvig, tusagassiutinut nalunaarusiaminni ilaatigut taama allappoq.
Aamma qinigassanngortittut nunatsinni sumiiffiit tamalaaneersuusut, ilaatigullu politikeritoqqanik aatsaavissuarlu qinigassanngortittunik sassartoqartoq Inuit Ataqatigiinniit naqissuserneqarpoq.