Innarluutilinnut sapaatip-akunnera 41
Innuttaasunut innarluutilinnut ulluinnarni, sanioqqullutik ikiuinngikkaluarlutik inussiarnisaarnerisigut, akimmiffeqaranilu angalasinnaaneq innarluuteqanngitsumut takujuminaassinnaasarpoq.
Avatangiisitsinni suut amigaataanersut, innarluutilinnit tikinneqarsinnaanissaq eqqarsaatigineqarsimagaluartorluunniit, takornartaanngilaq illup tikinneqarsinnaanera innarluutilinnit tikinneqarsinnaasutut aaqqissuussaasup tamakkiisumik innarluutilinnut naatsorsuutaasannginnera, annikitsualuit puigorneqarsimaneri pissutigalugit.
Qanoq ililluta innuttaasunut innarluuteqarnertik pissutigalugu tusaasinnaanngitsunut, tappiitsunut allatulluunniit nalinginnaasumik paasissutissanik piniarsinnaanngitsunut paasissutissatigut attaveqaqatigiinnikkullu kiffartuussinerit qularnaassavavut?
Innarluutillit ilinniarnissamut sulinissamullu periarfissaqarnissaat qularnaarneqassappat qanoq iliortaqariaqarpugut? Ilinniarfiit sulisitsisulluunniit ataasiakkaat eqaannerusumik aaqqissuussinermikkut, innuttaasunik innarluuteqarnertik pissutigalugu, maannalu atugassarititaasut atuutsillugit, ilinnialernissaminnut sulilernissaminnullu periarfissaqanngitsunik periarfissiisinnaagaluarpat?
Uanga qanoq iliorsinnaavunga, uagut qanoq iliorsinnaavugut aamma isumassarsiat suut nunami Kalaallit Nunaattut ittumi piviusunngortinneqarsinnaappat? Kikkut tamarmik peqataanissaannik oqalliseqataanissaannillu, Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfiup kaammattorumavai oqallinnermut peqataaqqullugit.
Qulequttamut atatillugu sammisaqartitsinernut aaqqissuussinernullu tapiissutinik qinnuteqartoqarsinnaavoq. Qinnuteqarnermi immersugassaq www.nanoq.gl–ip ataani Naalakkersuisoqarfiup nitttartagaani pissarsiarineqarsinnaavoq. Qinnuteqaatit naalakkersuisoqarfimmeeriissapput 23.september.
Annertunerusunik paasisaqarusukkaanni saaffissaq: immikkoortortami pisortaq Naja Rosing Fleischer, tlf. 34 50 00 atorlugu.
