Tassaarsuaqarneranit eqqugaasut Sumiiffinni assigiinngitsuni tallimani inissinneqartut
Ineqarnermut Naalakkersuisoqarfiup marlunngornermi nalunaarutigaa, inissiat taartissat apriilimi iserterfigineqarnissaannut piareertussaagaluartut ukiup affaanik sivisutigisumik kinguaattoortut.
Pavia Zeeq Illorsuit taassumalu ilaqutai tassaarsuaqartoqanerata kingorna ukiut marlunngulersoq matuma siorna
Uummannamut nuuutsitaagamik assigiinngitsuni tallimani najugaqartinneqarput.
- Uagutsinnut nukillaarnartorujussuuvoq, Uummannamut nuutsitaaqqaaratta neriorsorneqarpugut, inissiat ukioq ataasseq qaangiuppat naammassineqarlutik iserterfigineqarnissaminnut piariissassut, kisianni massakkut
tusarparput sanaartorneq suli kingaattooqqissimasut, Pavia Zeeb taama oqarpoq, Paviap nulia paniat taassumalu aappaa meeraallu marluk inissiami najugaqatigiipput.
Taassuma ilanngullugu oqaluttuara, nunaqqatimi Illorsuarmiut Uummannami inissiat taartissat sanaartorneqarnerisa kinguaattoornerat naammaginartinneqanngitsoq.
- Inissiat sanaartorneqarnerisa naammaassineqarsimannginnerat Illorsuarni nunaqqatitta palaarinngilaat, Pavia Zeeb oqarpoq.
Inissiat taartissasa sanaartorneqarnerannut kinguuaattorneq pissuteqarpoq ruujorit sumiiffimmi imermik pilersuivimmut kuuffeqarfimmullu atasussat oqorsaataat tunisassiarineqarnerminni kukkuneqarsimammata.