Inissiaatillit teamwork atorniarpaat
INI-mi sullissinermut pisortaq Birte Kielsen tusagassiuutinut nalunaaruteqarluni ilisimatitsivoq, nutaamik aaqqissuussinikkut suleqatigiit ataatsit sulisunik arfinilinnik arfineq marlunnilluunniit inuttalinnik suleqatigiiffeqartassapput, taakkualu najugaqarfiit aalajangersimaqqissaartut sullittassavaat.
Taakkualu isertertussat matuersaatinik tunineranniit najugaqarnerat tamakkerlugu allanillu attartortoqaqqilernissaa tikillugu inissiat taakkoqqinnaat sullitarisassavaat.
Tamatuma peqatigisaanik INIp anguniarpaa, sullissisut attartortut najugaqarfiinukarlutik sullissisassasut, tassa attartortut najugaqarfiinut naapigiartarlugit.
- Soorlu sapaatip akunneranut ataasiarluta inissialerisut allaffiinik ammatitsisalissaagut, Birte Kielsen oqarpoq, nutaamillu suleriaaseqalernikkut najugaqarfiit immikkoortortaqarfii aningaasartuuteqarnerulissanngitsut erseqqissaatigaluigu.
Suleqatigiiaat Narsami, Qaqortumi Nanortalimmilu najugaqarfinnik akisussaaffeqartassapput. Inissiaatileqatigiiffiup najuagaqarfiit Kujataaniittut 1800-t missaanniittut aqutarai.
