INI pisortartaarpoq
Taama aalajangiineq siulersuisunngortunit akuerineqarpoq, soorlu aamma Arctic Umiaq Linep pisortaa, Jette Larsen, siulittaasup tullissaatut ataatsimiinnerminni toqqaraat.
Erik Nørskovip narralluni qanittukkut tunuarnerata kingorna, siulittaasutut toqqagaaqqammersoq Lissi Olsen peqatigalugu, Jukku Mølgaard inissiaatileqatigiiffimmi pisortaaninngortussamik ujaasissapput.
Siulittaasup suliffeqarfik atorfinnik inuttassarsiuussisartoq suliassami ikiortiseriniaraa, INI-mit nalunaarummi allassimavoq. Nalunaarummi aamma oqaatigineqarpoq, piginnittut, tassa Namminersorlutik Oqartussat, ujartugaattut siulersuisunngortut angusaqarniarlutik suliniuteqarumaartut.
Siulersuisut tunuartut suliassaminni sutigut pikkorippallaarsimannginnersut, Naalakkersuisut siulittaasuata Kuupik Kleistip qanittukkut oqaaseqarfigerusunngilaa. Inissiaatileqatigiiffiulli Namminersorlutik Oqartussanit avissaartinneqarnissaa tunngaviusumik isumaqatigiinngissutaagunartoq qularutissaanngilaq
Siulersuisut nutaat, Naalakkersuisunit kommunit peqatigalugit toqqarneqartut, Sisimiuni maajip qiteqqunnerani siullermeerlutik ataatsimiissapput.
