Inuussutissarsiutit

Ineqartut anisitaannginnissaannut iliuutsit INI-p Iserillu isumassarsiorfigigaat

Københavnip kitaatungaani inissiaatileqatigiiffiit suleqatigiiffiata Nunatsinni inissiaatileqatigiiffiit innuttaasut inigisaminnit anisitaannginnissaanik suliniuteqarneranni ikiorsimavai. Danmarkimi inissiaatileqatigiffiit atuagassiaat 'Boligen' taama allaaserisaqarpoq.
Toqqorsivimmit: Nunatsinni inissiat 10.000-it INI A/S-imit Iserimmillu aqunneqarput Assi © : Simon Uldum
Allattoq Anton Gundersen Lihn
januaarip 04-at 2017 08:30

Namminersorlutik Oqartussat akiitsut ineqartunillu anisitaasoqarnissaanik pinaveersaartitsineq pillugu oktobarimi ataatsimeersuartitsimmata Danmarkimi inissiaatileqatigiiffimmi BO-Vestimi aningasaatigut siunnersortit Nunatsinnilu inissiaatileqatigiiffiit INI-p Iserillu peqataapput.

Siunnersortit BO-Vestimeersut ineqartut anisitaaqqajaasut aningaasatigut siunnersorneqartarnerat pillugu misilittakkatik ataatsimeersuarnermi oqaluttuaraat. Atuagassiarlu Boligen naapertorlugu ineqartunut ornigulluni aningaasatigut siunnersuisarneq soqutigineqarluarpoq.

Nunatsinni inissiat 11.000-it missaat Iserimmit INI-millu aqunneqarput, BO-Vestillu inissiat 10.000-it aqutaralugit. Tassa inissiat aqutarisaat amerlaqatigiipajaarput. Inoqutigiit 255-it Iserimmit INI-miillu 2015-imi anisitaasimapput BO-Vestillu inoqutigiit 15-iinnaat anisittariaqarsimallugit.

 

 

Aamma atuaruk

Inuussutissarsiutit

Issittumi umiarsuit sorsuutit marluk ukiuni 15-ini qamutilittarsinnaanngitsut

Politiit ullormut nalunaarusiaat: Tillinniartoqarlunilu tillinniariaraluartoqarpoq