EU pillugu siunnersuut taperserneqanngitsoq

Inatsisartuni partii ataasiinnarluunniit isumaqarsimanngilaq Kalaallit Nunaata EU-mut ilaasortanngoqqinnerata kingunissai paasiniassallugit pingaaruteqartoq.

Nunanut allanut tunngasunut naalakkersuisoq Vittus Qujaukitsoq oqarpoq Kalaallit Nunaat tamakkiisumik ilaasortanngorsinnaanngitsoq, taamaallaalli Danmarkimit kalitaalluni, tamannalu nammineq aalajangiisinnaanermut ajoqutaasoq.

Vittus Qujaaukitsup aamma maluginiarpaa misissuissagaanni tuluit EU-mit aninerisa kingorna allannguinissat misissuinerit nutaanngilisipallassagaat.

Siumut, Atassut, Inuit Ataqatigiit aamma Partii Naleraq erseqqissumik akipput misissuinissat naleqqutinngitsut, partiimmi taakku EU-mut qanillattoqqikkusunngillat.

Partiilli isumaqatigiipput Kalaallit Nunaata OLT-mi ilaasortatut immikkut isumaqatigiissutai pitsanngorsarneqarsinnaasut.

EU-mik suleqateqarnerup annertusarnissaa siunertaralugu allannguinissaq Inuit Ataqatigiit siunnersuutaat, ataatsimiititaliamut allaat ingerlateqqinneqarsimasoq AG taama allappoq.