Arsaattarfissarsuaq Nunatta Operahusiatut isigineqalersinnaavoq
Illoqarfiilt pingaarnersaanni illuliamik ilisarnaateqarnissaq pingaarpoq, Visit Greenlandimi pisortaq, Anders Stenbakken isumaqarpoq.
- Taamaattumik ornigassamik illuliaqarnissaa, Colourful Nuummut, illoqarfimmut pingaarnersaasumut Nuummut pingaaruteqarnersoq aperiguit ersarissumik akissuteqassaanga: Aap, Visit Greenlandimi pisortaq, Anders Stenbakken oqarpoq.
Kommuneqarfik Sermersuup illoqarfiit pingaarnersaannut periusissiaani ilaatigut nunarsuarmi tusaamasaq, titartaasartoq Bjarke Ingels Issittumi arsaattarfissamik Illuliassanik ilusilersuisussanngorpoq.
AAMMA ATUARUK Issittumi arsaattarfissuassaq tusaamasamit titartarneqassasoq
Australiami Sidneymi operartarfissuaq sananeqarmat, Australiamut sunniuteqarluarpoq. Arsaattarfissuassallu taamatut Nunatsinnut sunniuteqarluarnissaa, Bjarke Ingelsip neriuutigaa. Sumiiffiup taassuma Nuummi niuernermut kulturimullu qitiulernissaa eqqarsaataasoq, Bjarke Ingels oqarpoq.
- Sanaartorfissatut inissisimaffik taanna Sydneymi operartarfissuup inissisimaffianut assingusorujussuuvoq. Operartarfimmik titartaasup, Jørn Utzonip, suliaata illoqarfiinnaanngitsoq Australiali tamaat malunnarnerulersippaa, nunarpassuarni illulianik kusanartunik titartaasutut tusaamasaasoq, Bjarke Ingels, oqarpoq.]]
Bjarke Ingelsimi titartagaannaat ilusiliaannaallu nunatsinnut tapiissutigissanngikkai, Anders Stenbakken isumaqarpoq.
- Atia taassumalu oqaluttuassartaa nittarsagaanermik naleqarput, Anders Stenbakken oqarpoq.