Visit Greenlandimi pisortaanertaassaq: Ineriartortitsinermi takornarialerisut peqataatinneqassapput
- Takornarialerisut suleqatiginissaat peqataatillugit nunap immikkoortuini takornarialerisut ineriartortitseqataanissaanut peqataatillugit inuppassuit oqaloqatiginissaanut suleqatiginissaanut tamanna assut qilanaarivara, Julia Pars taama oqarpoq.
Takornarialerinermi siunnersuisoqatigiinni pisortaanertaassap aamma takornarianik Islandimiit kajungersaarinissaq anguniagarai.
AAMMA ATUARUK Visit Greenlandip pisortassani Katuami nassaarigaa
- Takuneqarsinnavoq Islandimut tikerartartut amerleriarujussuarsimasut aamma isumaqarpunga taakku ilaat uagut pisinnaassagigut siunissami, Julia Pars KNR-imut oqarpoq.
Takornarialerinermi ineriartortitsineq
Nunatta amerlanerusunik takornariaqalernissaa Naalakkersuisunit Visit Greenlandimillu kissaatigineqarpoq. Julie Parsip tamanna taperserlugu inuussutissarsiutigalugu takornarialerisarnissap ineriartortinnissaa kissaatigaa:
- Takornariartitsinerup ukioq kaajallallugu inuussutissarsiutiginissaata ineriartortinnissaa.
AAMMA ATUARUK Julia Parsip taamaatittussanngornera uggorineqartoq
Taassuma takornarialerineq ukiorpassuit soqutigisaralugu aallutaraa:
- Inuusuttuaraallunga Ilulissani saaffigineqartarama nalunngisama ilaat nalunnginnamikku oqaatsinut pikkorittunga. Taamaattumik uannut qanittuararsuuvoq takornariat ikiornissaanut, Julia Pars KNR-imut taama oqarpoq.
