Ineqarnermut akiliut qaffaqqilerpoq
INI A/S-ip inissiaataani attarnermut akiliut maajip aallaqqaataa 2012 qaffanneqassaaq. Tamanna pisussanngorpoq inissiarsuarni oquk annertuumik ajornartorsiutaammat sulilu ajornartorsiut annertusiartorluni.
Ineqarnermut Naalakkersuisoq Jens B. Frederiksen aamma INI A/S isumaqatigiissusiorput ineqarnermut akiliut maajip aallaqqaataani 2012 qaffanneqassasoq.
- Najugaqarfiit oquiaanissamut naammattunik aningaasaateqanngimmata ajuusaarnartorujussuuvoq. Taamaattumik ineqarnermut akiliutit qaffanneqarnissaat pisariaqarpoq, qaffaatissallu oqummut akiuinissamut immikkoortinneqassapput, Jens B. Frederiksen nalunaarpoq.
Oquiarneqartariaqalersuni najugaqartut allamut inissikkallarneqarnissaat pingaarnersatut inissinneqarpoq. Taamaammat atorfimmut atatillugu initaartitsisarneq Nuummi unikkallartoq nalunaarutigineqarpoq.