Boeingimik ajunaartut ilaqutaat akissutisisinnaalerunartut

Indonisiami timmisartup Boingip ajutoorneranut atatillugu qanigisaasut akissutissarsisinnaalerunarput, nalunaarusiarmi pingasunngorpat saqqummiuneqartussanngorpoq.

Timmisartoq 737 MAX 8 siorna oktobarip ulluisa 29-anni ajutoormat inuit 189-it ajunaarput.

Ajunaartunut ilaqutaasut qanigisaasullu timmisartup ajutoornera pillugu annerusumik paasisaqarsinnaanngussapput, timmisartummi ajutoorneranut atatillugu misissuisoqareerluni nalunaarusiaq inaarutaasoq atuarsinnaalissavaat.

AAMMA ATUARUK Boeing 737 Max 8-mik timmisartuussisarnerit Europa tamakkerlugu unitsinneqarallartut

Indonisiami angallanneq pillugu sillimaniarnermut ataatsimiititaliami tusagassiinermut pisortoq, Anggo Anurogo ataasinngornermi taama oqarpoq.

Timmisartoq aallaqqammiinnarluni ajutoorpoq, nalunaarusiarli qaqugu tamanit atuarneqarsinnaanngussanersoq saqqummiunneqanngilaq.

Timmisartup ajutoortup assinga ukiup affangajaa tassa marsimi qaangiummat Etiopiami nakkarmat inuit 157-it ajunaarput.

/ritzau/Reuters