Professor Sermersuarmi apinerusimavoq
Taama tusarliussaqartoq tassaavoq Danmarkip Kalaallit Nunaatalu sananeqaataanik naalagaaffiup misissuisitsiviani GEUS-imi professori Jason Box, taanna sermersuarmiit Danmarkimut uteqqammerpoq apisimanerussualu nammineq takusimavaa misigalugulu.
- Kalaallit Nunaanni tupaallaatigisarput tassaavoq nillernersujussua, maajip qaammataani nalinginnaasumit tallimanik nillernerunera tupaallaatigigatsigu, Jason Box DR-ip nutaarsiassaqartitsivianut taama oqarpoq.
AAMMA ATUARUK Sermersuaq ruumamiutoqqat pillugit toqqortaateqartoq
Ilisimatuut sermersuarmi ilisimasassarsiorneranni anorersuarnik nittaalartalinnik arlaleriarlutik nalaanneqarput, taamaalinerani sermeq apullu aakkiartorlutik aallartittaraluartut meterit affaannik annertutigisumik apivoq.
Ilisimatuut sermersuarmi ilisimasassarsiorneranni anorersuarnik nittaalartalinnik arlaleriarlutik nalaanneqarput, taamaalinerani sermeq apullu aakkiartorlutik aallartittaraluartut meterit affaannik annertutigisumik apivoq.
- Apineruneratigut sermersuaq apullu illersorneqarput tamannalu aasarpat sunniuttussaavoq. Maannalu siulittuutigilereersinnaavarput, sermersuaq ukiormanna aappallaarnavianngitsoq, Jason Box oqarpoq.
AAMMA ATUARUK Sermersuaq Google Street Viewikkut pisuttuarfigiuk
Tassuma DR-mut oqaluttuaraa, sermersuup apisimanerunera silaannaap kiatsikkiartorunnaarneranik paasineqassanngitsoq. Professorip oqarnera naapertorlugu, silaannaap kiatsikkiartornera paasiuminaatsuuvoq siulittuutigineqarsinnaananilu.
AAMMA ATUARUK Siunissami silap pissusissaa sermersuup nakkutigineqarneranit siulittorneqartoq