Sermersuaq ruumamiutoqqat pillugit toqqortaateqartoq
Kalaallit Nunaanni Sermersuarmi Ilisimatusarlutik suliniutillit atuagassiami PNAS-imi saqqummersippaat, sermersuarmi sikumik qillerilluni peerseriarluni uuttortaanikkut, Europami itsaq ukiuni 1900-ni susoqarsimanera paasineqarsinnaasoq, Science Magazine taama ilaatigut allaaserisaqarpoq.
Ilisimatusartut Sermersuaq peersiffigalugu, ukioq 0, 1100-nik sioqqullugu ukiut 800-t tikillugit paasiniaaffigisimavaat. Sermersuup aqerloqassusia uuttortarlugu ilaatigut Ruumami susoqarsimanera paasineqarsinnaavoq.
Sikup aqerloqassusia uuttortarlugu qanga itsaq pisut assigiinngitsut, ilisimatusartunit nalunaarsorneqarsinnaasimapput.
Ruumami qanga itsaq inuiaat aningaasaqarnerat sølvineersimavoq, ruumamiullu sølvinik aqerlunnillu annertuunik aatsisarsimapput, aqerlunnillu aatsitsinerup kingunerisaanik aqerlumernit silaannakkoortarsimapput, taakkualu silaannakkoorlutik sikumut apummullu nippullutik, sermersuarmut pisarsimallutik.
AAMMA ATUARUK Siunissami silap pissusissaa sermersuup nakkutigineqarneranit siulittorneqartoq
Ilisimatusartullu sermersuaq tigusiffigalugu aqerloqassuseq misissorsimavaat, ukiukkaartumut aqqaneq-marloriarlutik aqerloqassuseq ukiut 1900-t nalunaarsorsimavaat, oqaluttuarisaanermillu ilisimatusartut paasisimasaat taamaalillutik uppernarsaqqissinnaanngorsimalerlugit.
Piffissallu paasisaqarfigineqartup, ruumamiut ineriartornerpaaffiat qangarpiaasimanersoq, ersarissumik takutippaa. Europamimi ineriartornerpaaffiummi nalaani aqerloqarnerpaasimasoq uppernarsarneqarpoq.
Aammattaaq taarsiorfiit nakkarfiillu piffissap qulaajarneqartup ersersippaa.
Ukioq 165-imi napparsimarujussuartoqarnerani naatsorsuutigineqarpoq europamiut millionilikkaat toqusimassasut, tassanilu aqerloqassuseq annikittuaraasimasoq uppernarsineqarpoq.
AAMMA ATUARUK Sermersuup aakkiartornera ilimagisamit sukkanerusoq
AAMMA ATUARUK Smeltende indlandsis godt for dyrelivet