Inatsisitigut ataataqanngitsunut pingaarutilimmik aalajangerneq
- Kiisami, inatsisitigut ataataqanngitsut oqaaseqartartuat Tida Ravn oqarpoq.
- Immikkoortitsineq 1938-imi aallartippoq, tamannalu sivisoqaaq. Inatsisip akuerineqarnissaa pillugu nipituuliortariaqartarsimavugut.
Kalaallit Nunaat pillugu ataatsimiititaliaq isumaqatigiittoq isumaliutissiissusiortuuvoq. Taamaalilluni folketingimi aqagu aapassaanneerneqarnissaani amerlanerussuteqarluartut akuersinissaat qulakkeerneqartutut ippoq. Sisamanngorpat aalajangiiffiusussamik pingajussaanneerneqassaaq.
- Tamanna isumaqarpoq sapaatit akunneri pingasut qaangiuppata eqqartuussiviliarsinnaalissaagut ataatassarsiuinerillu aallartillugit, Tida Ravn erseqqissaavoq.
Sulili nuanniitsortaqarpoq. Ataataasoq toqoreersimappat kigorngussisussallu naammassiivigineqarsimappata, suli ersernerluppoq. Inatsisissatut siunnersuummi kigorngussisussanut tunngasut uteqqinneqarsinnaanngillat. Kalaallit Nunaat pillugu ataatsimiititaliaq taarsiissuteqarnissamut isumaqatigiissuteqarsinnaasimanngilaq. Naapeqatigiiffigineqarsimavorli ataatsimiititaliap kajumissaarutigisaa, tassalu qallunaat naalakkersuisuisa Naalakkersuisullu siunissami tamanna suleqatigiillutik aaqqiiviginiarumaaraat.
- Ajoraluartumik ataatsimiititaliami taarsiissutissanik isumaqatitigiissuteqarsinnaasimanngilagut, ministeriunerli ersarissumik isumaqatigiinniaqqullugu kalerrisaarneqarpoq. Maanna politikkikkut isumaqatigiinniarluni aaqqiisoqartariaqarpoq.
Sapaatit akunneri marluunngittulluunniit qaangiupput Helle Thorning Schmidt oqarmat inatsit akuerineqarpat suliaq naammasissasoq. Qulaanili eqqartugaarput ataatsimiititaliap isumaqatigiittup kalerrisaarutigaa.
