Inatsiseqarnermut pisortassap politikkimut paasinnillaqqissuunissani sumut atussagamiuk?

Namminersorlutik Oqartussani inatsisilerinermut tunngasunut pisortassamik pissarsiornermi allanneqarsimammat, issuaaneq 'politikkikkut paasinnillaqqissuunissamut', issuanneq naavoq, piumasaqaat taanna sooq ilaatinneqarsimanersoq tamatumuuna apeqqutigaa.

Taama aperinerminut tunngavilersuivoq ima.

- Atorfiup imaa eqqarsaatigalugu - inatsisinut annertuumik ilisimasaqartariaqarnerup saniatigut, naatsorsuutiginaraluarpoq ilinniakkatigut aalajangersimasuunissaq malittarisassallu atuuttut malinneqarnissaasa piumasaqaatiginissaannut sapiissuseqarnissaq. Inuttassarsiornerlu tamakkuninnga piumasaqaatitaqanngilaq, Palle Christiansen allappoq nangillunilu.

- Kisianni tassa piumasaqaatinut siullerpaanut ilaavoq, issuaaneq 'politikkikkut paasinnilluarnissaq', issuaaneq naavoq, Palle Christiansen aperivoq.

Taassuma taama oqarnerminut aamma tunngavilersuutigaa, Namminersorlutik Oqartussani inatsiseqarnermut pisortap, sutigut tamatigut suliani ingerlassinnaassagai, politikki qissimigaaqqaarnagu. Inatsisartut innuttaasullu tatigilluinnartariaqariaqarai, kinaassusersiorani politikkikkullu arlaannaannulluunniit attuumassuteqarani suliani suliarisinnaasariaqarai, Palle Christiansen allappoq.

- Inuttassarsiuussinermi 'politikkikkut paasinillaqqissuunissap' pikkoriffigineqartariaqartutut allaqqanera eqqumiippoq tatiginninnissamillu apeqqusiilluni aamma taamaallaat siuliani soraarsitsinermut tunngaviusut pillugit tusagassiuutini eqqartorneqareersut eqqarsaatigalugit ernumanissamut tamanna tunngavissiiginnarpoq, Palle Christiansen allappoq, ullullu suliffiit qulit qaangiutsinnagit akineqarnissani piumasaralugu.