Inatsisartut ataatsimiinnerat sivitsussaaq
Inatsisartuni inuussutissiornermut ataatsimiititaliap inassuteqarneratigut Inatsisartut siulittaasoqarfiat inassuteqarpoq ukiaanerani ataatsimiinneq ullunik marlunnik sivitsorneqassasoq ullullu taakku tassaassapput decembarip arfernat aamma arfineq aappaat.
Ukiaanerani katersorneq novembarip 27-ani naggaserneqartussaagaluarpoq.
Inatsisartut katersornerisa sivitsorneratigut inuussutissarsiornermut ataatsimititaliaq inatsisissat annertuut marluk piareernissaannut piffissaqarnerutinniarneqarpoq. Taakku tassaapput oqaluuserisaq nr. 110 suliat annertuut pillugit inatsit aamma oqaluuserisassaq nr. 112 aatsitassat pillugit inatsisissaq.
Oqaluuserisassat taakku decembarip arfernanni aappassaanneerneqassapput, decembarillu arfineq aappaanni pingajussaanneerneqarlutik.
Inatsisartut siulittaasuat Josef Motzfeldt matoqqasumik ataatsimiittoqareersoq taama nalunaarpoq.
