Inatsisartunut qinersinissamut aallakaatitsinerit
-Qinersineq Kalaallit Nunaannut pingaaruteqartorujussuuvoq KNR-ilu tusagassiisarfittut akisussaaffeqarpoq qinersinissaq pillugu pitsaasunik naapertuuttunillu aallakaatinnissaanut, taamaalilluni
qinersisartut paasisimasaqarluarlutik qinersiartorniassammata, aallakaatitassiornermi pisortaq
KNR-imilu pisortap tullia Jan Berg oqarpoq.
-Taamaammat Inatsisartunut qinersinissamut aallakaatitsinissatsinnut tulleriiarinitsinni annertuumik
suleqatitsinnik atuinissarput siunniupparput kiisalu arlalinnik kanaleqalernitta atorluarnissaa
ilanngullugu aamma eqqarsaatigalugu , aallakaatitassiornermi pisortaq oqarpoq.
KNR-ip qinersinissamut aallakaatitassiassai taamaammat amerlapput, Kalaallit Nunaanni illoqarfiit
annerit sisamanit qinersisartunik ataatsimiisitsinerniit toqqaannartumik aallakaatitsinerit qinigassanngortittut
apeqqarissaarfigineqarneriniit, tassani qineqqusaartut isummatik itisilissavaat soorunalumi
aamma partiit siuttuisa oqallitsinneqarnerat kiisalu qinersinerup unnua pissanganartoq
naggasiutigissallugu.
Sinerissamit qinersinermut ataatsimiititsinerit
Illoqarfinnit sisamanit qinersisartunik ataatsimiititsinerit toqqaannartumik aallakaatinnissaat pingaarnertut
KNR-ip aallakaatissavai.
Sumiiffik Ulloq Kalaallisut Danskisut Radio
Ilulissat, timersortarfik - 12.februar Nal. 19:30 – 21.15 21:30 – 22:45 19:30 – 22:45
Sisimiut, timersortarfik -14.februar Nal. 19:30 – 21.15 21:30 – 22:45 19:30 – 22:45
Qaqortoq, timersortarfik - 20.februar Nal. 19:30 – 21.15 21:30 – 22:45 19:30 – 22:45
Nuuk, GU’s minihal - 9.marts Nal. 14:00 – 15:45 16:00 – 17:15 14:00 – 17:15
Qinersinissamut ataatsimiinnerni partiit marlukkaarlutik allanik marlunnik paarlanneqarsinnaallutik
aallartitaqassapput qinersisartullu pisarnermissut apeqquteqarsinnaassallutik, taavalu
nutaatut isiginnaartartut naalaartartullu facebook aqqutigalugu apeqquteqarsinnaassapput. Qinersisartunik
ataatsimiititsinerni aqutsisuussapput Arnaq Nielsen aamma Mikkel Bjarnø Lund,
taakkulu qinersinissaq pillugu KNR-ip aallakaatitassaani aalajangersimasumik ingerlatsisuussapput.
2
Illuatungeriilluni oqallinneq
KNR-ip qinersinissamut aallakaatitsinera aamma illuatungeriit oqallinnerannik ilaqassaaq. Illuatungeriilluni
oqallinneq KNR1-imi februaarip 26-iani Ilimmarfimmi pissaaq, tassani oqallitsinneqassapput
Kuupik Kleist aamma Aleqa Hammond, nal. 19:30 – 21.00.
Illuatungeriilluni oqallinneq kalaallisut pissaaq, nutaatullu KNR2-mi toqqaannartumik qallunaatut
nutserneqassalluni. Oqallinnerullu kalaallisut ingerlanneqarnera radio-kkut toqqaannartumik aallakaatinneqassaq.
Oqallinnermi aqutsisuussaaq Stine Skifte.
Partiit imminnut ilisaritinnerat
Partiit qinigassanngortitsisinnaasut namminneq suliaminnik minutsinik 10-nik sivisussusilimmik
imminnut ilisaritinnissaminnut periarfissinneqarput apeqqarissaarnermik malitsilimmik, tassani
KNR-imi tusagassiortut partiinut apeqqarissaassapput, kingornalu radio-kkut qinersisartut sianerlutik
partiinut apeqquteqarsinnaassapput.
Partiit ilisaritinnerat ulluni 2.-7. martsimi aallakaatinneqassapput:
Ulloq Parti TV – Kalaallisut TV-Danskisut Radio
2. marts Kattusseqatigiit Partiiat 19:30 – 20:30 20:35 – 21.20 21:30 – 22:30
3. marts Parti Inuit 19:30 – 20:30 20:35 – 21.20 21:30 – 22:30
4. marts Siumut 19:30 – 20:30 20:35 – 21.20 21:30 – 22:30
5. marts Atassut 19:30 – 20:30 20:35 – 21.20 21:30 – 22:30
6. marts Demokraatit 19:30 – 20:30 20:35 – 21.20 21:30 – 22:30
7. marts IA 19:30 – 20:30 20:35 – 21.20 21:30 – 22:30
Partiit siuttuisa oqallinnerat
Qinersinissamut oqallitsitsilluni aallakaatitsinerit naggaserneqassapput 10. marts, tassanilu partiit
siuttui naggataarutaasumik qinersinngilaattaani oqallitsinneqassapput. Nal. 19:30-mit 20:45-mut
kalaallisut taavalu qallunaatut nal. 20:50 - 21:50.
Qinersinerup unnuaa
Qinersinerup unnukkuani 12. marts-imi Nuummi KNR-ip aallakaatitsivianiit toqqaannartumik ingerlanneqassaaq.
Qinersiviit nal. 20:00 matuniariartut qinersineq pillugu aallakaatitsineq aallartissaaq,
tassanilu Arnaq Nielsen aamma Mikkel Bjarnø Lund qinersisartunut malinnaatitsissapput.
- Qinersinerup unnukkua pissanganassaqaaq, nunap immikkoortuiniit illoqarfinniilu annerniit toqqaannartunik
ilanngutassiisoqartassaaq, partiit katerisimaarfiinit ilanngutassiisarluta ilanngutassianik
immiuteriikkanik kiisalu Nuummi aallakaatitsivimmi toqqaannartumik pulaartoqarnikkut
qinersinerup unnukkua malinnaaffigineqarsinnaassaaq. Taasinerit qinersivinnit ataasiakkaanit kisinneqarneri ataavartumik takutittassavagut, Mikkel Bjarnø Lund oqarpoq.
