Inatsisartuni ullormut pisussat
Inatsisartut ullumi ataatsimiinnissaat aallarnerlugu aalisarnermut piniarnermullu naalakkersuisoq, Hans Enoksen akunnermi ataatsimi apeqqarissaarfigineqassaaq.
Allattoq Inge S. Rasmussen
novembarip 16-at 2016 05:56
Nutserisoq Bikki P. Kleist
Apeqqarissaarnerlu ukiuunerani inatsisartut ataatsimiinneranni kingulliusussaavoq.
Inatsisartunittaaq oqaluuserisassatut siunnersuutit tallimat aappassaaneerneqartussaapput, tamatumalu kingorna
apeqquteqaat aallaavigalugu Inatsisartut oqallinnissaannik siunnersuutit marluk sammineqassallutik.
Tassalu nunatsinni uumasut allallu killilimmik piniagaasut kiisalu nunatsinni ingerlatseqatigiiffiit tamakkiisumik ilaannakuusumilluunniit Namminersorlutik Oqartussanit pigineqartut naalakkersuinikkut qanoq ineriartortinneqassanersut qanorlu sinneqartooruteqartarnersut pillugit oqallinnissamik siunnersuutit sammineqassapput.
Taakkulu Inuit Ataqatigiinneersunit siunnersuutigineqarput.
