Inatsisartuni ullormut pisussat
Pingajussaaniigassat marluk, aappassaaniigassallu qulit, siullermiigassallu marluk oqaluuserineqassapput, eqqartorneqartussallu assigiinngitsorujussuupput.
Suliffissarsiuussinermut, ilitsersuinermut piginnaanngorsaanermullu sullissiviit pillugit inatsit oqallisigineqassaaq, soorlu aamma aalisarnermut aningaasaliissutinut immikkoortitat pillugit inatsit eqqartorneqassasoq.
Kalaallit ujaraataasa erlinnartut uppernarsaatigisinnaasaannik periarfissanik assigiinngitsunik Naalakkersuisut nassuiaasiornissaannut siunnersuut Inuit Ataqatigiit siunnersuutigaat, siunnersuullu aappassaaneerneqassalluni.
Atlantikup avannaata Kalaallillu Nunaata silaannartaasa angallavigineqarnerisa allaffissornikkut aqunneqarnerata Nunatsinnut nuunneqarnissaa pillugu naalagaaffeqatigiit Canadami Islandimilu oqartussanut isumaqatigiinniutigineqarnissaasa aallartinneqarnissaasa partiit inatsisartuniittut pingasut siunnersuutigaat, siunnersuullu ullumi aappassaaneerneqassalluni.
