Inatsisartuni ullumi ataatsimiinneq pissanganartorsiorfiungaatsiarpoq.
Nalunaaqutaq tallimanut tanneq sisamanngortoq Demokraatit tatiginnikkunnaarlutik nalunaaruteqarput.
Demokraatit naalakkersuineq pillugu oqaaseqartartuat Palle Christiansen inatsisartut oqaluttarfianit Hans Enoksenip Sivert K Heilmannillu naalakkersuisutut tunuarniuteqarnissaannik piumasaqarpoq.
Taamatut piumasaqarneq Siumukkut naalakkersuineq pillugu oqaaseqartartuata Lars-Emil Johansenip pinngitsoortippaa.
Lars-Emil Johansenip oqaaseqarsinnaatitaanera Demokraatinit assut kamaammiutigineqarpoq, inatsisartuni malittarisassat akimorlugit pisimasutut tamanna Demokraatinit isigineqarmat.
Taama pisoqarnera tamarmi quujanartutut isikkoqalerpoq Demokraatit inatsisartuni ilaasortaatitaata Palle Christiansenip issiavimminit nikinnani nilliaatigaluni nerrivik tilluttaleraluarmagu.