- Immuttuutit akorngi salilluartarisigit
Kalaallit Nunaanni Kigutigissaanermut ukioq-manna Ullorititami meeqqat pingasuniit tallimanut ukiullit qitiutinneqarput. Taakkununnga una oqariartuutaavoq: Immuttuutinnguit akorngi paareqqissaarniarsigik".
Meeqqalli kigutigissarnerannik inersimasulli ikiuutilaartarnissaat pisariaqarpoq, kigutimmi peqqissuutittuaannarnissaat pingaaruteqarpoq. Tassami immuttuuteeqqat akorngisa iluamik salittarnissaat pingaaruteqarpoq.
Kigutigissarnermut Ullormut atatillugu kigutigissaanermik suliaqartut atortussanik assigiinngitsunik, kigutigissarnermik nuannernerulersitsisinnaasunik, suliaqarsimapput.
Taamaattumik meeqqat pingasuniit tallimanut ukiullit sinngutsinik sekundtilersuutinillu sioqqanik nakkaalaartartulimmik tunineqassapput.
Qanoq kigutigissartoqarsinnaanersoq sinngusini titartagartaavoq. Sekundtilersuullu sioqqanik nakkaalaartulik tarrarsuummut ikkunneqarsinnaavoq, tassanilu takuneqarsinnaavoq ullaakkut unnukkullu qanoq sivisutigisumik kigutigissartoqartariaqarnersoq.
Taakku saniasigut atuagaaraq suliarineqarsimavoq, qanoq kigutigissartoqassanersoq, aamma tamanna sooq pingaaruteqarsimanersoq, tassani paasissutissiissutigineqarluni.