Nunanit allanit

Imminut toquttarnerup pinaveersaartinniarnera Nunavimmi sammineqartoq

Nunavimmi imminut toquttarnerup pinaveersaartinniarlugu Inuit ataatsimeersuarnermi "Puttautiit"-mik qulequtserlugu sapaatip akunnera kingulleq sammisaqartinneqarput.
Assi © : Alanah Heffez/Flickr Creative Commons
Allattoq Marianne Stenbæk, Montreal, Canada
oktobarip 23-at 2017 10:56

Naggueqatigiit Inuit imminut toquttut, Canadap sinneranut naleqqiullugu 11-riaammik amerlanerupput. Imminut toqussimasuni nukappiaqqat inuusuttut angutillu amerlanerupput.

Nunavummi peqqinnissaqarfiup imminut toquttarnerup pinaveersaartinniarlugu nunaqarfimmi Inukjuarmi sapaatip akunnera naallugu  ataatsimeersuartitsillunilu pikkorissaavoq.

Ataatsimeersuarneq "Puttautiit" pingajussaanik ingerlanneqarpoq nunaqarfimmiullu tamarmik peqataasinnaallutik.

Qulequtaritinneqartorlu tassaavoq "Stepping forward with Courage", tassa kalaallisut sapiissuseqarluni siumut alloriarneq.

Peqataasut aliasuuteqartut sapaatip akunnerani sammisassaqartinnerisigut ikiorneqarput taavalu aamma  ikiorseeriaatsit assigiinngitsut atorlugit inuit imminnut ikiorsinnaanngortinniarneqarput.

Soorlu assersuutigalugu ilaqutaq ikinngutigisarluunniit imminut toqussimappat taava ikiorseeriaatsit nutaat atorlugit kingunerlutsitsineq aqussinnaalissavaat.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk