Nunanit allanit

Imminnut toquttunut qimagaasut nalorninartorsiulersartut

Imminut toquttoqartarnera qimagaasunut annertuupilussuarnik kingunerlutsitsisinnaavoq, ilaatigut nappaatinik assigiinngitsorpassuarnik kinguneqarsinnaalluni.
Allattoq Ritzau
marsip 23-at 2017 12:38
Nutserisoq Simon Uldum -

Imminut toqunneq qimagaasut inuunerannut peqqissusaannullu annertuumik sunniuteqarsinnaasoq Imminut toquttarnerup pinaveersaartinneqarnera pillugu Danmarkimi ilisimatuussutsikkut misissuisoqarfiup misissuinerani nutaami paasineqarpoq.

* Imminnut toquttut qimagaat ilaatigut makkuninnga atugaqalernissaminnut qaninnerulersarput: tarnikkut nappaatit, qaqusoorneq, PTSD, annilaanganeq, atornerluisunngorneq, imminut toqoriaraluarneq, kræfti, sininniarnermik ajornartorsiuteqarneq, tigukkut nappaatit, qitilunneq, KOL, napparsimalluni sulinngitsoorneq, suliffissaaleqineq, siusinaartumik pensionisiaqalerneq tarnikkullu nappaatit pillugit napparsimmavimmut attaveqalerneq.

* Innuttaasut akornanni inuit 500-gaangata ataaseq qasusoornermik nutaamik ukiup ataatsip iluani eqqugaasarpoq, imminnulli toquttunut qanigisaasunut tunngatillugu inuit 200-gaangata ataaseq aapparmi imminut toqunnerata kingorna qasusoortarluni.

* Imminnut toquttunut qimagaasut aamma tarnikkut erloqissuteqalersarnerat allanik peqquteqartumik toqusunut qimagaasunut naleqqiullugit annertuneruvoq. Tamatumani ilaatigut pineqarput tarnikkut nappaatit, qasusoorneq, PTSD, imminut toqoriarneq, toquneq, imminut toqunneq tarnikkullu nappaateqarneq pillugu nakorsarneqarneq.

* Imminnulli toquttunut qimagaasut napparsimalluni sulinngitsoortarnerat imaluunniit nakorsiartarnerat, allamik peqquteqartumik toqusunut qimagaasunut naleqqiullugit akuttunerupput.

Najoqqutarisaq: Imminut toquttarnerup pinaveersaartinneqarnera pillugu Danmarkimi ilisimatuussutsikkut misissuisoqarfik

/ritzau

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk