Immikkut ilisimasalik: Ruslandip Ukrainemik tamakkiisumik saassussineratut isikkoqarpoq

Ruslandip Ukrainemik tamakkiisumik saassussineratut isikkoqarpoq.

Claus Mathiesen, illersornissaq pillugu ilisimatusarfimmi lektori, Danmarkimilu illersornissaqarfik sinnerlugu Ukrainemi sinniisuusimasoq taama naliliivoq.

Rusland Ukrainemik unnuaq saassussivoq.

Ruslandip sakkutuui Ruslandimit Ukrainemut raketinik igeriussisut nunat tamalaat tusagassiorfiisa nalunaarutigaat, Ukrainemilu illoqarfinni arlalinni kingorna qaartoqarpallattarluni.

AAMMA ATUARUK Ruslandip Ukraine sumiiffinnit assigiinngitsunit saassuppaa

Rusland Ukrainemi nunaminertanik marlunnik Ukrainemit immikkoornianik tiguaaginnarani Ukrainemik tamakkiisumik tiguaaniartoq Claus Mathiesenip nalilerpaa.

- Nunaminertat marluk pillugit aaqqiagiinngissutit pinnagit Ukrainep sinnera tiguarniarneqarneratut isikkoqarpoq, Claus Mathiesen oqarpoq.

- Ukrainep NATO-mut EU-mulluunniit ilaasortaalersinnaanissaanut eqqarsaatersuutit tamaanga killeqartut annilaanngatigaara, Claus Mathiesen oqarpoq.

Ruslandimik pingaartitsisunik Ukrainemi naalakkersuisoqalernissaa Ruslandip kissaatigigaa taassuma nalilerpaa, Ruslandip Hvideruslandimik suleqateqarnerata saniatigut Ukrainep ilanngunneqarnissaa anguniagaalluni, taanna oqarpoq.

AAMMA ATUARUK Ruslandip Ukrainermik saassussinera NATO-p assuaraa: Ukraine tapersersorparput

Claus Mathiesen aamma oqarpoq raketinik igeriussinermi Ruslandimit siullertut eqqorniagassatut ilimagineqartut eqqornerneqartut, Ruslandip sakkutuuisa Ukrainemut isaalernissaannut piareersaatitut isigineqarlutik.

Timmisartoqarfiit, orsussamik peqqumaasiviit, sakkutuunillu aqutsisoqarfiit taakkununnga ilaapput, Claus Mathiesen oqarpoq.

- Akiuiniartoqarsinnaanissaata annikinnerpaaffimminiitsinneqarnissaa taamaaliornikkut anguniarneqarpoq, taanna oqarpoq.