Immap naqqanik sajuppillatsitsisarluni misissuinissamut ammaassisut
![](/sites/default/files/styles/image_934x467/public/article_images/arktis_hav_foto_michael_ransburg_flickr.jpg?itok=c8Q_cCPO)
Immap naqqanik sajuppillatsitsilluni misissuisoqarsinnaanissaanut akuersissutinik aatsaat tunniussisoqalinngilaq, imaluunniit tunniussisoqarniarluni. Siornatigumulli naleqqiullugu taama avannarpasitsigisumi immap naqqanik sajuppillatsitsilluni misissuisoqarsinnaanissaanik akuersisoqarniarnera Verdensnaturfondenip apeqquserpaa.
Suliffeqarfik TGS TOPAC Danmarkshavnip kujammut kangimut imartaani Umiarsuit Imarnersami Dove Bugtimi immap naqqanik sajupillatsitsilluni misissuiniartuuvoq.
Læs også Seismiske undersøgelser skader havpattedyr
Imartami pineqartumi immap naqqanik sajuppillatsitsilluni misissuisoqarsinnaanissaanut susassaqartunut tusarniaassutigeqqaarnagu Namminersorlutik Oqartussat ammanerat Verdensnaturfondenip paasisinnaanngilaa.
- Imartami taama mianernartigisumi taamalu avinngarusimatigisumi uuliasiorniarluni misissuisoqarsinnaanissaanut eqqarsaatersorneq mianernartortaqarpoq, assersuutigalugulu uuliamik maqisoortoqassappat siunissaq ungasinnerusoq eqqarsaatigalugu eqqarsarnarpoq, pinngortitamut uumassusilinnullu tamanut ulorianarsinnaalluni, Pinngortitaq pillugu nunarsuaq tamakkerlugu suliniaqatigiiffiup Verdensnaturfondenip tusagassiuutinut nalunaarummi oqaatigaa.