Pisiniarfiit imigassap inerteqqutaalerneranit nakkutilliinerulersut
Brugsenip Pisiffiullu imigassat aalakoornartortallit tuniniarunnaallarpaat, Nuummilu pisiniarfinni isumannaallisaaneq ukkatarilerlugu.
Pisiniarfeqarfiit marluk taakkua tusagassiutinut nalunaarummi ataatsimorlutik taama nalunaaruteqarput.
Innuttaasut pisortat innersuussutaat unioqqutillugit iliuuseqarsinnaanerat pisiniarfeqarfiit marluk taakku alaatsinaaffigaat.
Nuummi pisiniarfinni tamani nakkutilliineq tamanna pillugu annertusarneqarpoq.
AAMMA ATUARUK Naalakkersuisut indfører alkoholforbud i Nuuk, Kapisillit og Qeqertarsuatsiaat
Pisiniat imigassanik matusigallartoqarnerata nalaani assersuutigalugu pisiniarfiup toqqorsivianukaqqusaanngillat pisiniarfimmiiginnartartuussaallutik. Sulisut taamaallaat toqqorsivimmiissinnaapput.
Pisiniarfiit eqqaanni alapernaarsuinerulernertik politiit aamma nalunaarutigigaat, Brugsenip Pisiffiullu allaaseraat.
Imigassanillu aalakoornartortalinnik neqoroorutiminnik naqitanngorlugit qangali ussassaarutiliaritissimasaat imigassat matoqqagallarneranni atuunnavianngitsut ilanngullugu erseqqissaatigaat.