Imerniartarfik anorersuarujussualeruttortoq ammaanersiortikkaa
Nanortalimmi ullumikkut anoraarutingajassimavoq, arfininngornerullu unnuaani anorersuarujussuarmat miiterimut sekundit 52-inik sakkortutigaaq. Siallersimavoq umiatsiarlu 28 fodsimik angitigisoq kivimmat annaaneqarpoq.
Ammaanersiorneq anorersuarsiorfiusoq
Anorersuarujussualeruttortoq Poul Erik Frederiksenip imerniartarfittaava Cafe 44 ammaanersiorneqarpoq.
- Angivallaanngitsumik imerniartarfiuteqaraluarpunga, unnullu taanna imerniartarfiutimma allisinneqarnera ammaanersiortippara, anorersuullu ataani inuit apuussinnaanissaat ernummatigaara, Poul Erik Frederiksen KNR-mut taama oqarpoq.
Anorleraluartoq iluatsitsilluarfiuvoq
Anorersuup miiterimut sekundtinik 52-nik sakkortutigisup imerniartarfiup igalaava ataasiarluni anoraasuarnermi ammarpaa. Ammaanersiortoqarneranilu anorersuarujussuaraluartoq unnuup ingerlanerani inuit isaarujoorsimapput.
- Ammaanersiorneq iluatsilluaqaaq, ilimagaara inuit 50-it 60-illu akornanniittut unnuup ingerlanerani isertut, imerniartarfiutitaarlaaq Poul Erik Frederiksen KNR-mut taama oqaluttuarpoq