Uummannami ikuallanneq Imeqarfik putsumik mingutsinneqarsimanersoq misissorneqalerpoq
Taamaattumik Nukissiorfiit imermik misissugassanik qalusititsivoq, tamannalu oqartussaasut attuumassuteqartut qanimut suleqatigalugit ingerlannqarpoq taakkualu pisut pillugit ilisimatinneqarlutik.
Nukissiorfimmit ilisimatitssutigineqarpoq maannakkorpiaq nalileruminaatsoq imermik isumalluutaasumik mingutsitsisoqarsimanersoq.
AAMMA ATUARUK Uummannami eqqaavissuaq ikuallakkunnaangajalertoq
Erngup mingutsissimasinnaaneranik pasitsaassineq misissuiffigineqarnissaanillu pisariaqartitsineq aallaaveqarpoq, Uummannami eqqaavissuaq eqqakkanik ulikkaartoq pingasunngornermi annertuumik ikuaallammat annertuumillu pujuliorluni.
Ikuallanneq ulorianartumik pujuliornermik kinguneqarpoq pujorlu imeqarfiup tungaanut ingerlasimalluni.
AAMMA ATUARUK Uummannami eqqaavissuaq ulorianartumik pujuliortoq
Nukissiorfiup ilutigitillugu ilisimatitsissutigivaa, siusinnerusukkut oqartussaasunut saaffiginnittoqarsimammat, eqqaaviup ikuallanneratigut imeqarfiup mingutsinneqarsinnaanerata aarlerinarsinnaanera pillugu.
Uummannami innutaasut ilaat ikuallattumik takunnittoq, sisamanngornermi ullup qeqqata siorna KNR-imut oqaluttuarpoq ikuallanneq qamikkiartortoq.