Imarsiornermik Ilinniarfik pisortartaarpoq
Pisortanngortoq tassaavoq Jeppe Carstensen, taannalu umiarsuup naalagaatut ilinniarsimasuuvoq 2003-llu tungaanut umiartorsimalluni, Imarsiornermik Ilinniarfik tusagassiorfinnut nalunaaruteqarluni taama allappoq.
Jeppe Carstensen umiarsuarmi naalagaanermi nalaanili ilinniartitsisimavoq, aammalu Masteri Transport og Maritim Managementimik ilinniarsimasuulluni. Imarsiornikkut ilinniarfimmi SIMAC-imi Svendborgimiittumi ilinniartitsisutut atorfeqarsimavoq, tassanilu ilinniartitsisuunini aallartippaa nangillugulu ilinniarfiit ingerlaqqiffiusut aammalu avataani pikkorissartitsinerit aqussimallugit.
Imarsiornermik Ilinniarfiup siulersuisuini siulittaasup, Mike Høeghip pisortamik atorfinitsitsineq nuannaarutigaa.
- Ilinniarfeqarfinni ilinniartut pisussaaffigaagut ilinniartitaanermik pitsaasumik sunniuteqarluartumillu atorluagassaannik tunissallugit. Qulakkeertariaqarparpummi, ilinniartitaanertik naammaginartumik naammassissagaat. Inuiaqatigiit kiisalu suliffeqarfiit pisussaaffigaagut neqeroorfigissallugit ilinniartitaanernik atorfissaqartitaannik tunissallugit. Inuussutissarsiutimmi pineqartut pingaartuupput. Taamaattumik nuannaarutigaara, imarsiornermik ilinniarfinni aqutsisut aammalu aaqqissuussineq imatut aalajangiiffigineqarmata, siunissarlu isigisinnaalnngorlugu, Mike Høegh oqarpoq.