Ilulissat takornariarfissatut piukkunnartunut allattorsimaffimmiittoq
Pinngortitarsuaq alianaatsoq alutornartorlu silap pissusiata allanngoriartorneranik ersersitsisoq. Tamanna ilaatigut pissutigalugu atuagassiap ataqqineqaqisup, Time-ip Ilulissat takornariarfissatut piukkuppaa.
Nunatta avannaani illoqarfik atuagassiap nunarsuarmi takornariarfigissallugu piukkunnarnerpaanut allattorsimaffianniippoq. Silallu pissusiata allangnoriartornera pitssutaasut ilagaat.
- Takornariat nunarsuup ilaata kianneruleriartornera najorlugu misigineratigut ulorialissutaasinnaanera ilinniarsinnaagunikku, inuilaarsuaq ungasissoq tamanna nunarsuatta annannissaanut qanoq soorlu pingaaruteqartigisoq paasinerullugu angerlassasut neriuppugut. Time Ilulissat allaaserigamikkit ilaatigut taama allappoq.
Sumiiffiit takornariarfissatut Time Magazine-ip allattorsimaffinni piukkunneqartut tassaapput:
- Park City, Utah
- Galapagos Øerne
- Seoul
- Great Barrier Reef, Australia
- Doha, Qatar
- Nairobi
- Miami
- Skellefteå, Sverige
- København
- Marseilles
Borgmesteri nuannaartoq
Avannaata Kommuniata borgmesteriata, attaviitsup, Palle Jerimiassenip illoqarfini ilaammat nuannaarlunilu tulluusimaarpoq.
- Isumaqartorujussuuvoq. Nuannaartorujussuullungalu tulluusimaarpunga. Pitsaanerpaat 50-it akornanniinnerput tulluusimaarutigaara.
Taassuma tamanna Ilulissanut isumaqangaatsiarsinnaasoraa.
- Tikinneqarsinnaasut allattorsimaffiittut soqutigineqassutsimut takornariaqassutsimillu annertunerusoqalipallannera malugisarpaat. Ilsiimaneqareerpugut, kisianni suli ilisimaneqarnerulissaagut, soqutiginninnerlu annertunerulissaaq. Taamaammat takornariaqarnikkut suli inerisaanissamut periarfissaqassaagut, Palle Jerimiassen oqarpoq.
AAMMA ATUARUK Nuuk Amerikamiut tusagassiisarfianit tusaamaneqarluartumit sammineqartoq
Time Magazine-ip Kangiata Illorsua siorna ammartoq UNESCO-llu nunarsuarmi kingornussassatut allattugaataaniittoq pingaartumik maluginiarpaa.
Atuagassiap illorsuup saqqummersitai nassuiarpai illorsuullu ilusilersugaanera nersualaarutigalugu.
- Takornarialerisutsinnik tamanna nersorinninniarnerusoq isumaqarpunga. Taakku neqeroorutaat soqutiginartuutinneqarput, taamaammallu allattorsimaffimmi ilaavugut, Palle Jeremiassen oqarpoq.
Nunatsinni illoqarfimmik aatsaat siullermeertumik allattorsimaffimmi ilaasoqanngilaq. Nuuk siorna atugassiamit ukkatarineqarpoq.
