Ilulissani ukiukkut imaani kinisimaartartut
- Æedr, qiiaamminarunaq!
- Naamik uanga uloriangaara!
- Qiussuugut! Taama issitsigisoq!
Iluliarmiulli arnat naapitagut Ilulissat sissaasa ilaanni imaani kinisimaassagunik qiulissagaqisut taama qisuariarput.
Kisianni peqatigiiffimmik aallartitsiniartup ukiuunerani imaani kinisimaarneq uerinarnerarpaa:
- Peqatigiiffik Nordlyset aallartinniarparput ukiukkut imaani kinisimaarluni iluarusunnartorsuummat. Kinisimaartarlunilu aallartikkaanni pinngitsoorneqaruminaallisarpoq, Eva Jordy, ukiukkut imaani kinisaartut peqatigiiffiannik aallartitsiniartoq oqarpoq.
Eva Jordy Zionip Oqaluffiata ataatungaani aamma Itisuarsummi januaarip aallartisimalaarnerani imaani kinisimaarpoq.
- Ukiukkut kinisimaarnermi qaratsami serotonin aamma adrenalin pilersinneqartarpoq. Taamaattumik nikallungaqqajaasuugaanni, nikallungasarnerit qaangiutsinneqarsinnaapput, Eva Jordy oqarpoq, nangillunilu:
- Ukiukkut kinisimaartarluni nuannaarnartorujussuuvoq. Aamma napparsimasarnerit qaangiuttarput. Qiiaqqajaasuungaannilu aamma ukiumi kinisimaartaraanni tamanna aamma qaangiuttarluni.
Soqutiginnittunut Facebook-imi qupperneq ”Nordlyset Ilulissats Vinterbadeforening” alakkarterneqarsinnaavoq.