Ilulissani ikuallattoq qaminneqarpoq
- Innermik takusaqarsinnaanngilagut, kisianni eqqaavissuup killinga suli kissarpoq, tamannalu nunap ataatigut ikuallanneq suli ingerlaarsinnaavoq, pigaartup naalagaat oqarpoq.
- Taamaammat qatserisartut suli qatseripput.
Ikuallanneranut atatillugu ajoqusertoqarneranik nalunaaruteqartoqanngilaq.
- Ikuallattup ungasinngisaaniittut illut ajoqusinngillat, Aqqaluk Petersen oqarpoq.
Ikuallattumut tunngatillugu annertunerusumik pisoqaqqinngilaq.
AAMMA ATUARUK Ilulissani eqqaaveqarfiup ikuallannerani ulorianartumik pujortoq
Ikuallanneq ullup-qeqqanngitsiarnerani aallartippoq. Innuttaasut ikuallattoqarneranit qaartoortoqaratarsinnaanera pissutigalugu qanillinaveersaassapput, igalaatillu matoqqatissallugit, Avannaata Kommuniani upalungaarsimasut paasissutissiipput.
Eqqaaveqarfik ukiut pingasut matuma siorna kingullermik ikuallappoq. Taannalu ikuallatsitsinikkut pisimalluni.