Ilulissani atuartut Danmarkiliarnissamut piareersarput
Ilulissanit nunaqarfinniillu atuartut katillugit 57-it Danmarkimut, Jyllandip kangianut Fredericiamut, tikippata angajoqqaarsiani najugaqassapput atuarfinnilu assigiinngitsuni peqatiminnik atuaqateqarumaarlutik. Angajoqqaarsiassanillu ujaasineq naammassineqaleruttorpoq.
- Meeqqat Fredericiami angoqqaarsiassarsiuuppagut aamma amerlanerpaat nassaarunneqareerput, Inger Degn Atuarfik Mathias Storchimi ilinniartitsisoq kiisalu angalanermik ataqatigiissaarisoq oqarpoq.
Atuartut Fredericiami atuarneranni qallunaatut oqallorissinissaat kiisalu qallunaat inooriaasaannik ilisimasaqarnerulernissaat siunertarineqartarpoq.
5.klassimi atuartut Danmarkimiinnerminni misigisassaat assigiinngitsut piareersarnermi eqqartorneqartarput soorlu nuannersinnaasut nuanniissinnaasullu.
- Angajoqqaatik qimaqqalerunikkit artornarsinnaasoq, soorlu unnukkut innalernermi artornarsinnaasoq eqqartortarparput kisianni aamma pissaganartoqartai eqqartortarpagut, Inger Degn oqarpoq.