Piteraq: Illut qaavi kaanngarnikut, biilillu igalaavi sequminnikut

Ukiortaamiilli qaammat siulleq suli naanngilaq, Tasiilamili sisamassaat sakkortuumik piterareerpoq.

Ukiuni kingullerni piterartarnera sakkortusiartuinnartoq nunaqqatigiinnit malugineqarpoq, tamannalu illoqarfimmiut ilaannut angerlarsimaffimmi toqqisimatitsinngilaq.

- Igalaarput piteqqap nalaaniittoq ernumanartaqaaq. Igalaaq igalasserfittalerluni ammarnissaa pissanganartarpoq, igalaagut silataatigut matoqannginnamik, Tasiilami najugaqartoq, Elise Uupi Kuitse taama oqalutuarpoq.


- Piteraq sakkortungaarmat aput tamaat tingitaagami ujaraaqqallu nuillutik. Allaat biilikka toqqorlugit inississimagaluartut piteraq sakkortungaarmat biilikka eqqorlugit igalaavi marluk qaarpai, ajoraluaqaaq. Elise Uupi Kuitse oqaluttuarpoq.

Januaarip aallertinneraniilli Tasiilami sakkortunerpaamik piterarmat sekundimut 32 meterit qaangertarlugit anoraasuartarsimaassangatinneqarluni, sakkortunerpaagaaangamilu sekundimut 43 meterit angusarsimassagai DMI-mit januaarip 23-anni aarlerisaarutigaa.

Piterartarnera Elisi Uupi Kuitsep meeraarnerminut sanilliullugu ukiuni kingullerni sakkortusigaluttuinnartoq malugisimavaa.

- Piterarujussuaqattaarnerput suli sakkortusiartuinnarpoq. Arlaaatigut immaqa ajutoortoqassaaq, ernumanartoqartoq.

Elise Uupi Kuitse illoqarfimmut avasinnerulaartumik najugaqarpoq piterartillugu sakkortunerusumik misinnartumik najugaqarluni allaammi anoraa ima sakkortutigisarsimavoq.


- Anoraa tikiukkaangat illup qaava sakkortulaartumik neeqquluttarpoq, siornatigut ullup qaava aatsartarsimammat taamaammat vaajarilernikuusimavaa marlunnik.Elise Uupi Kuitse illoqarfimmut avasinnerulaartumik najugaqarpoq piterartillugu sakkortunerusumik misinnartumik najugaqarluni allaammi anoraa ima sakkortutigisarsimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat