Illup akia: 2.000 kroner

Kommune Kujalliup illut utoqqarnut najugassiat tuniniarpai. Maanna ilimanarsivoq illut ilaat 2.000 koruunilerlugu tunineqassasoq.
Allattoq Noah Mølgaard
novembarip 30-at 2012 08:22

Illulli utoqqarnut najugassiat tunineqarunik iserterfigineqariaannaassanngitsut, Kommune Kujalleq ilisimatitsivoq.

Illut utoqqarnut najugassiat tuniniarneqarput iluarsaannissaat imminut akilersinnaanavianngimmat. Illunik piginnittuulerumaartut akisussaaffigissavaat illup pisiarineraniit ukiut marluk qaangiutsinnagit iluarsaannissaat. Kommune Kujallermi kommunalbestyrelsep ataatsimiinnerani kingullermi imaqarniliami taama allapput.

Illut tallimat tuniniarnerat aasaq aallartippoq neqeroorummik tunniussinissamut septembarip 24-at killigitinneqarluni. Illut ilaannut neqeroorutit qaffasinnersaat tassaavoq 2.000 koruunit illunullu allanut neqeroorutit 2.057 koruunit 150.000 koruunillu akornanniipput.

Kommune Kujallermi allaffissornermi pisortaasut inassutigaat neqeroorutaasut malillugit illut tunineqassasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq